Siku nembiak lelaki lenyau, mandi ba Sungai Ngemah -->
Cari Berita

Advertisement

Siku nembiak lelaki lenyau, mandi ba Sungai Ngemah

Admin | beritaiban@gmail.com
April 24, 2020

NGARAPKA DANA ULIH DITEMU ENGGAU LENGKAS: Palan endur Dana mandi sebedau iya diripotka lenyau.

KANOWIT: Siku nembiak lelaki diripotka lenyau pengudah nurun mandi ba Sungai Ngemah di Skim Pengentap Baru Nanga Jagau, ditu lemai kemari (Hari Empat).

Ketuai Balai Bomba enggau Penyah Penusah Pelilih Kanowit, Arrahman Chik madahka penusah ti enda disadang nyadi urung jam 4.30 lemai.

Ku Arrahman, nembiak ke lenyau nya dikelala ngena nama Nekson Dana Raimond, 7 taun, orang ari Rumah Unau Mou ba Skim Pengentap Baru Nanga Jagau benung mandi ba sungai enggau aki ini iya.

“Penusah nyadi, lebuh ini iya deka niki ngerasukka baju, jari Dana tebelengka pegai ini iya ngujungka tudah iya lalu anyut dibai arus deras,” ku iya lebuh dirandau pengarang berita sehari tu tadi.

Ku Arrahman, urung jam 5 lemai kemari, Operasyen Ngiga enggau Nyelamat (SAR) dipejalaika ngena tiga buah perau nyentuk jam 7 malam tadi tang Dana apin temu.

Naka berita tu ditulis, seraban bala sida serumah enggau bomba agi benung ngiga tudah Dana.