Udah temu orang bangkai Dana.. -->
Cari Berita

Advertisement

Udah temu orang bangkai Dana..

Admin | beritaiban@gmail.com
April 26, 2020

RIP DANA: Raban SAR benung ngatung bangkai Dana, pagi tu tadi.

KANOWIT: Bangkai siku nembiak lelaki ke dipechayaka lemas pengudah anyut ditabanka arus ai pasang raya (deras) di Sungai Ngemah, udah temu pagi tu tadi.

Ketuai Balai Bomba enggau Penyelamat (BBP) Kanowit, PPgB Arrahman Chik madahka, bangkai Nekson Dana Raimond, 7 taun, ditemu melepu di tebing Sungai Ngemah, Nanga Benuk, urung penyauh tiga kilometer ari endur iya ke diripotka lenyau.

“Bangkai Dana dipeda genturung pendiau dia melepu urung jam 8.45 pagi lebuh sida iya mansa ngena perau di Sungai Ngemah.

“Nangkan ke nya, seraban bomba sereta bisi berapa iku genturung pendiau lalu berumban ke endur iya ditemu nya enggau mai bangkai nya ke rumah panjai ngambika ulih ngelala sapa kebatang endar ngempu bangkai nya.

“Bala ke sebilik enggau Dana madahka amat iya (Nekson Dana Raimond) mih nya,” ku iya lebuh dirandau pengarang berita.

Ku iya, bangkai Dana pengudah nya disuaka ngagai raban polis kena bejalaika pengawa silik agi.

“Pengudah bangkai ditemu, Operasyen SAR ba Sungai Ngemah Nanga Jagau lalu diketu tauka tembu urung jam 10.30 pagi,” ku iya.

RIP Dana.. 🙏😢