Udah ulih pansut 2 iku ngena sebuah entuka -->
Cari Berita

Advertisement

Udah ulih pansut 2 iku ngena sebuah entuka

Admin | beritaiban@gmail.com
April 30, 2020

Sapit Kepala Menteri Sarawak, Datuk Amar Douglas Uggah Embas (Kiba) enggau raban polis benung bejalaika Ops COVID-19.

KUCHING: Perintah menua Sarawak udah meri pemendar ngagai ketuai ruang bilik ulih mai siku agi bala ke sama sebilik pansut ke luar rumah ngena sebuah entuka, sepemanjai timpuh Atur Mindah Besekat (PKP).

Sapit Kepala Menteri Sarawak, Datuk Amar Douglas Uggah Embas madahka, pemutus nya nitihka insur baru ke digaga perintah besai sebedau tu (kemari).

Menteri Kanan Nyaga Pengelikun Malaysia, Datuk Seri Ismail Sabri Yaakob, kemari (Hari Tiga) madahka, ketuai ruang bilik ulih mai siku agi ari bala sida sebilik pansut ngena sebuah sebuah entuka lebuh bebelika perengkaguna, ubat tauka meli  utai empa (pemakai).

Ku Uggah, pemendar nya deka dipejalaika tekala nya.

Uggah ti nyadi Chairman Komiti Mutarka Penusah Ngenyit Negeri Sarawak (JPNS) madah, berengkah ari sehari tu, perintah Sarawak deka nitihka atur ti udah digaga perintah besai menua Malaysia ke baru tu.

“Diatu, dua iku orang ke sama sebilik ulih ngena sebuah entukar lebuh deka bebelika utai empa (pemakai), ubat, perengkaguna kebukai tauka deka nurun peresa tauka berubat ba klinik tauka sepital.

"Tang taja pia, kami semina ngemendarka dua (2) iku orang aja tauka enda ulih lebih ari dua (2) orang ba dalam sebuah entuka," ku iya mansutka jaku tauka pekara nya, sehari tu tadi.

Sebedau tu, semina ngemendarka dua iku orang ti deka nurun ke kebun tauka bumai aja ulih ngena sebuah entuka, sepemanjai timpuh Atur PKP dipejalai ba Sarawak

Tang orang orang ti enda nurun ke kebun tauka bumai, agi bedau dikemendarka ulih nepan tauka ngena sebuah entuka.



MEDA KE UDAH ULIH DUA IKU NGENA TAUKA NEPAN SEBUAH ENTUKA. ANANG LALU KA BEAMBI ULIH, REREGAP TAUKA BEJALAI ENDA TEMU TUNGGA BA SEBELAH PASAR! #beritaibanMY