Ulih nyual pemakai maya bulan puasa -->
Cari Berita

Advertisement

Ulih nyual pemakai maya bulan puasa

Admin | beritaiban@gmail.com
April 22, 2020

ILLUSTRASYEN PICHA: Pendiau maya bejual pemakai maya bulan puasa. 📷 #UKAS

KUCHING: Orang dagang pemakai dikemendarka bejual pemakai maya bulan puasa tang semina ba dalam kandang rumah aja.

Sapit Chairman Opis Komiti Mutarka Penusah Ngenyit Negeri (JPBN) Sarawak, Datuk Abdul Karim Rahman Hamzah madah, orang dagang semina Dikemendarka nyual pemakai aja enggau orang ke meli mai pemakai pulai ke rumah (tapau).

"Orang dagang dikemendarka bejual belabuh ari jam 3 lemai nyentuk jam 10 malam sepemanjai bulan puasa (Ramadhan).

"Orang dagang enggau orang ke meli dipinta nitihka Atur Mindah Besekat (PKP) iya nya nyaga penyauh diri ari orang bukai (sosial distancing), ngena Pemampul Idung enggau Mulut (mask) enggau nyaga pemeresi lebuh bebelika perengka pemakai," ku iya mansutka jaku tauka pekara ba aum COVID-19 di Kuching, sehari tu tadi.

Ku Abdul Karim, semua hotel, restoran, enggau restoran fast food mega dikemendarka bejual tang orang ke ka meli dipinta mai pemakai nya pulai ke rumah.

Ku iya, orang dagang dikemeran ka bejual ngena chara online tauka talipaun.

"Tang taja pia, kami enda ngemendarka orang ti bejual begelumu ba pasar, bazaar enggau kedai enggau juluk ati deka ngiga jereki lebih maya bulan puasa," ku iya.