161 iku pelajar UiTM Kota Samarahan, udah datai ba Miri -->
Cari Berita

Advertisement

161 iku pelajar UiTM Kota Samarahan, udah datai ba Miri

Admin | beritaiban@gmail.com
May 4, 2020

BARU SANGKAI: Bas ke ditepan pelajar Universiti Teknologi MARA (UiTM) Kota Samarahan udah mujur datai ba IPD Miri, kemari. PICHA: @borneopost

MIRI: 161 iku pelajar Universiti Teknologi MARA (UiTM) Kota Samarahan udah mujur datai ba Miri, pagi kemari.

Komiti Mutarka Penusah Ngenyit Pelilih Miri madahka, semua pelajar nya iya nya 59 iku lelaki enggau 102 iku indu ngena semilan (9) buah bas lalu udah datai ba Indu Opis Polis Pelilih (IPD) Miri pukul 9.40 pagi.

“JBPN (Komiti Mutarka Penusah Ngenyit Nengeri) udah bejalaika pengawa meresa pengerai semua pelajar ba palan endur sida nganti bas mupuk bejalai.

“Sida iya enda diperesa ba palan endur ke sangkai (datai), tang pengawa meresa pengerai udah digaga sebedau sida iya mupuk bejalai.

“Pekara ke sama ti digaga ba kolej enggau Universiti Curtin Malaysia, sida iya diperesa pengerai dulu sebedau sida diasuh bejalai ari Miri. Pengudah nya, baru sida mupuk pulai ari Miri ngagai Sibu, Kuching enggau ke bukai,” ku iya.

Ku iya, semua bala pelajar nya udah dikuarantin ba endur sekula (kampus) sida lebih ari 40 hari.

Nya alai, sida iya enda ibuh tauka kena kuarantin ba palan kuarantin, sida iya semina dipinta diau ba rumah aja.