7 pagi - 10 malam, jam operasyen maya PKPB di Sarawak -->
Cari Berita

Advertisement

7 pagi - 10 malam, jam operasyen maya PKPB di Sarawak

Admin | beritaiban@gmail.com
May 12, 2020

Datuk Amar Douglas Uggah Embas

Jam operasyen sektor ekonomi ti dikemendarka ulih buka maya Atur Mindah Besekat Ke Bisi Penetap (PKPB), udah diubah ngagai 7 pagi nyentuk ke 10 malam.

Sapit Kepala Menteri Sarawak, Datuk Amar Douglas Uggah Embas madahka, pekara pasal jam beoperasyen nya diubah ari baruh PKPB di Sarawak ba Aum Media Ninting Hari Covid-19, sehari tu tadi.

“Kebuah pia laban jam buka kedai tauka sektor ekonomi enda sebaka, ni ku orang ti bedagang ka buka jam berapa nitihka atur jam ti ngena ba sida iya.

“Tang taja pia, jam ti pemadu tumu buka iya nya, jam 7 pagi enggau patut tutup jam 10 malam,” ku iya.

Uggah ti mega nyadi Chairman Komiti Mutarka Penusah Ngenyit (JPBN) madahka,  Ungkup sektor hotel, Prosedur Operasyen Standard (SOP) udah dialuska sereta deka dipadahka ngagai Menteri Dagang Temuai, Seni enggau Main Asal Sarawak enggau naka pengelengkas.

Ungkup sektor ekonomi ti deka buka baru, jaku gerah ti udah dipadahka nya ngambika semua sektor ulih nitihka SOP ti udah ditetapka nya, kena nyemelaka (balance) pengawa ekonomi enggau pengerai.

"Raban penerit adat deka bejalaika pengawa matau enggau besaup ngamatka SOP ti udah ditetapka bejalai enggau nadai penanggul,” ku iya.