Ba Sarawak agi ngena PKP, PKPB agi bedau dipejalaika -->
Cari Berita

Advertisement

Ba Sarawak agi ngena PKP, PKPB agi bedau dipejalaika

Admin | beritaiban@gmail.com
May 2, 2020

ILLUSTRASYEN PICHA: Dewan Undang Negeri Sarawak. Picha: @hotelpedia

KUCHING: Komiti Mutarka Penusah Ngenyit Negeri Sarawak (JPBNS) sehari tu tadi madahka, Sarawak deka belajar enggau silik agi sebedau nendurka Atur PKP enggau bejalaika PKPB ba negeri tu.

Chairman JPBNS, Datuk Amar Douglas Uggah Embas madah, perintah nengeri udah mutuska enda bejalaika Atur Nagang Pemindah Besyarat (PKPB) nyentuk nengeri tu mansik dulu enggau deka belajar enggau silik dulu sentang bekau ari pengawa muka baru aktiviti ekonomi, sukut ni bagi ke ulih dibuka tauka enda enggau naka ni pemendar patut diberi.

Ku Uggah, perintah Sarawak endang bebasaka pemutus jaku gerah ti dibantaika Menteri Besai Tan Sri Muhyiddin Yassin sentang mesti muka baru sukut ekonomi seraya nendurka PKP ti diteritka berengkah Hari Satu tu, 4 May 2020.

JPBNS deka ngaga pemutus pengudah mansik ubah atur ari baruh "Akta 342 Kawalan Penyakit".