Ba Sarawak apin temu, nganti JPNS udah berandau enggau KM -->
Cari Berita

Advertisement

Ba Sarawak apin temu, nganti JPNS udah berandau enggau KM

Admin | beritaiban@gmail.com
May 1, 2020

Chairman JPBNS, Datuk Amar Douglas Uggah Embas

KUCHING:
 Komiti Mutarka Penusah Ngenyit Negeri Sarawak (JPBNS) deka berandau enggau Kepala Menteri Sarawak, Datuk Patinggi Abang Johari Tun Openg bekaul enggau pemendar pasal sektor ekonomi ke deka dibuka berengkah ari 4 Mei 2020 enggau nitihka Atur Mindah Besekat (PKPB) di Sarawak.

Chairman JPBNS, Datuk Amar Douglas Uggah Embas, madah iya deka betemu sereta berandau enggau Kepala Menteri Sarawak enggau naka pengelengkas ngambika iya ulih meri jaku putus, ba Sarawak patut nitih tauka enda, jaku gerah tauka pekara ke dipadahka Menteri Besai Malaysia, Tan Sri Muhyiddin Yassin, sehari tu tadi.

"Aku agi bedau berandau enggau Kepala Menteri, nya alai aku enda ulih nyaut enggau silik. Nganti aku udah berandau enggau iya," ku iya lebuh dirandau pengarang berita sehari tu.

Menteri Besai Malaysia, Tan Sri Muhyiddin Yassin madahka, nyau ka semua sektor ekonomi enggau pengawa bedagang di Malaysia deka dikemendarka buka (beoperasyen) tang nitih 'guideline' enggau Prosedur Operasyen Standard (SOP) ti udah ditukuka raban opis bekuasa berengkah ari 4 Mei 2020.

Menteri Besai Malaysia, Tan Sri Muhyiddin Yassin mansutka jaku nya lebuh 'press conference', sehari tu tadi.