Bangkai ukui enggau siku lelaki ditemu ba sebuah rumah di Kuching -->
Cari Berita

Advertisement

Bangkai ukui enggau siku lelaki ditemu ba sebuah rumah di Kuching

Admin | beritaiban@gmail.com
May 2, 2020

KASIH AMAT: Raban polis, Paramedik enggau bomba datai ba palan penusah nyadi. PICHA: @kenyalangblog

KUCHING:
Bau but ke ngesuh ari sebuah rumah di Jalai Song tebantai pengudah raban polis ngesah kia, pagi ensana, 30 April 2020.

Ketuai Polis Pelilih Kuching, Asisten Komosioner Awang Din Awang Gani madahka, urung jam 9.05 pagi, raban polis bisi nerima ripot ari orang ke ngempu rumah (house owner) madah bisi siku ukui dipelabaka udah parai ba sebuah rumah sewa iya di Jalai Song.

Rumah nya udah di suwa iya ngagai siku orang lelaki, 51 taun, orang penatai ari Miri, ti gawa nyadi orang bedagang sayur (vendor) di 'shopping mall'.

Orang ke ngempu rumah (house owner) nya bisi nerima talipaun ari bala orang ti berimbai rumah madahka iya bisi siku ukui parai ba rumah suwa iya nya.

“Berebak enggau nya, orang ke ngempu rumah nguji nganggauka orang nyewa dia tang enda ulih tauka nadai orang nyaut.

“Meda orang ke nyewa ba rumah nya nadai nyaut kangau iya, orang ke ngempu rumah lalu ngaga ripot polis ngambika sida ulih ngesah ke rumah sewa iya nya enggau bejalaika pengawa nyidi.

"Lebuh datai dua, raban polis ngeripotka bisi nyium bau but ti datai ari tingkat atas rumah," ku iya lebuh dirandau pengarang berita, kemari.

Ku iya, pengudah nya raban polis sereta bala pemesai Paramedik enggau raban Bomba tama ke rumah lalu niki tingkat atas enggau sida iya tepedaka bangkai siku lelaki ba dalam rumah nya.

“Bangkai lelaki nya udah dibai ke Sepital Besai Sarawak (HUS) kena bejalaika pengawa silik agi enggau bangkai ukui dianjung ke Makmal Veterinar di Muara Tuang kena mansik pemati iya,” ku iya.

Ku Awang, orang ke ngempu rumah madah, niang udah nyuwa rumah pengelama 12 taun.

“Asil pansik tumu raban polis nadai bekau jamah tauka jenayah diripotka ba palan penusah nyadi. Barang tauka perengkaguna ti berega ke diempu niang baka kantung duit, duit keretas, talipaun binching agi bisi ba palan penusah nyadi,” ku iya.

“Kebuah niang parai agi dipansik raban Paramedik (HUS) enggau tubuh iya deka diperesa COVID-19 dulu sebedau bejalaika pengawa buntas tasat.

“Raban polis mega bisi tetemuka beberapa iti kambut ubat ke diempu niang ba palan penusah nyadi. Naka ke diatu, kes ditukuka nyadi Parai Ngenyit (SDR) enggau kes tu agi dipansik.

Meri penyinu ati ngagai bala ke sebilik enggau niang. RIP niang 🙏😢