Bulan nyin ila baru servis Bas Express ulih beoprasyen di Sarawak.. -->
Cari Berita

Advertisement

Bulan nyin ila baru servis Bas Express ulih beoprasyen di Sarawak..

Admin | beritaiban@gmail.com
May 20, 2020

ILLUSTRASYEN PICHA: Bas benung paking ba penyangkai Bas Express. (Sarawak Bus & Truck Community picha)

Komiti Mutarka Penusah Ngenyit Nengeri Sarawak (JPBNS) udah meri jaku putus, iya nya deka ngemendarka servis bas ekspres tauka wilayah ulih bejalai tauka beoperasyen baru di Sarawak pengudah 1 Jun 2020.

Menteri Pengangkut, Datuk Lee Kim Shin madahka, pemutus nya digaga pengudah JPBNS ngaga aum enggau berandau nyentuk kilah ensana, 18 May 2020.

“Berindik ari nya, semua orang ke ngempu bas ekspres tauka wilayah dipinta ngaga semua pekara ti patut nitihka 'Prosedur Operasyen Standard (SOP) ti udah ditetapka sebedau berengkah beoperasyen baru sepemanjai timpuh tu.

“Ba dalam SOP nya mega nyengkaum pekara meresi bas, deriba bas mesti beperasa (ujian swab COVID-19), nusun endur penuduk penumpang ba dalam bas ngambika ulih nyaga penyauh ari pangan diri (social distancing) sereta nyediaka kereban kena meresa pengangat tubuh (termometer), spray tauka ai kena nuchi jari (hand sanitizer) enggau pemampul idung enggau mulut (mask),” ku iya mansutka jaku tauka penerang nya ba media kemari.

Ku Lee, ngena chara nya kitai ulih nyaga pengerai semua orang kelebih agi deriba bas sereta orang ke nepan bas nya enggau dikena nyeliahka pengelekai COVID-19 di Sarawak.

Ku iya, pengudah Atur Mindah Besekat (PKP) dipejalaika nyentuk ke sehari kemari, perintah Sarawak nemu penusah ke ditapi orang mayuh enggau semua industri nyengkaum orang ke ngempu bas ekspress enggau wilayah.

“Nya alai, aku deka meri terima kasih udah sama besaup enggau meretika pekara tauka pengawa digaga perintah kena nyeliahka penyelekai COVID-19,” ku iya.