Dua mipar seretai nadai, eksiden ba kilometer 30, Jalai Sangan-Merit -->
Cari Berita

Advertisement

Dua mipar seretai nadai, eksiden ba kilometer 30, Jalai Sangan-Merit

Admin | beritaiban@gmail.com
May 9, 2020

KASIH AMAT: Raban bomba benung bejalaika operasyen enggau pendiau entuka ke ditepan seduai iya pengudah eksiden nyadi, lemai kemari.

TATAU: Dua mipar seretai nadai pengudah entuka ke ditepan seduai iya enda ulih dijaga lalu ngujungka eksiden ba kilometer 30, Jalai Sangan-Merit, lemai kemari.

Ketuai Polis Pelilih Tatau, DSP Dennis Bunyam madahka, tudah dua iku ti udah nadai tauka parai nya, dikelala ngena nama Nelson Kana Meliu (deriba), 32 taun, enggau Ginol Sanyu (penumpang), 47 taun, ti nepan entuka ke sama.

“Asil pansik tumu, tudah seduai dua (Kana enggau Ginol) enda ulih pansut tauka mengkang ba dalam entuka lalu ngujungka seduai iya parai retung ba dalam entuka nya," ku iya lebuh dirandau pengarang berita, sehari tu tadi.

Ku Dennis, eksiden dipechayaka nyadi urung jam 6 lemai nya, Kana enggau Ginol benung dirantau jalai ari pasar Tatau nuju ke Rumah Danggat Sungai Kana.

“Lebuh datai ba palan eksiden nyadi, entuka ke ditepan seduai iya enda ulih dijaga lalu tepawah sereta ngelantak dinding ke bisi batu ba sepiak kanan jalai enggau ngujungka entuka nya lalu angus.

“Raban polis deka bejalaika pengawa mansik silik agi ngambika ulih nemu nama kebuah tudah seduai iya tau parai tau parai ketegal eksiden nya," ku iya.

Raban bomba ari Balai Bomba Tatau mega bisi nerima kangau bekait eksiden nyadi lalu berumban ngesah ke palan eksiden nyadi ngambika ulih bejalaika operasyen madamka api enggau ngemansutka tubuh tudah seduai iya ti mengkang ba dalam entuka nya.

Tubuh tauka bangkai seduai iya udah dianjung ke Sepital Bintulu kena bejalaika pengawa buntas tasat.

Kes tu deka dipansik ari baruh ‘Seksyen 41(1) Akta Pengangkutan Jalan 1987’.



KASIH AMAT TUDAH SEDUAI MIPAR: RIP Kana enggau Ginol 🙏