Enda tau mindah entara pelilih peneka ati.. -->
Cari Berita

Advertisement

Enda tau mindah entara pelilih peneka ati..

Admin | beritaiban@gmail.com
May 11, 2020

Ketuai Polis Sarawak, Datuk Aidi Ismail

Orang mayuh ti deka mindah entara pelilih patut minta pemendar tauka minta permit ari balai polis ke semak.

Ketuai Polis Sarawak, Datuk Aidi Ismail madahka, Sarawak udah nerima penerang ari Opis Pengerai Malaysia (KKM), enda ulih ngemendarka pengawa mindah ari entara pelilih peneka ati.

“Perintah Sarawak bisi nerima penerang ari Opis Pengerai Malaysia (KKM) madahka, enda ulih ngemendarka orang mayuh bejalai tauka mindah ari entara pelilih peneka ati.

“Kebuah pia laban irau ke pengelikun sereta pengerai, enti nyema orang pulai ari nengeri pulai ke menua bi mai igi penyakit (virus) lalu iya ulih ngerampit bala ke diau ba menua nya,” ku iya lebuh dirandau pengarang berita, kemari.

Ku Aidi, aku arap orang mayuh ti bisi kebuah deka mindah entara pelilih ulih minta surat pemendar tauka permit ba balai polis ke semak.

Berengkah ari jam 7.00 pagi, kemari (Hari Minggu), bisi 44 endur pengawa ngempang jalai (roadblock) ti udah dipejalaika raban polis.