Ibuk, nama kebuah dik enggau orang berintai panjai ditu? -->
Cari Berita

Advertisement

Ibuk, nama kebuah dik enggau orang berintai panjai ditu?

Admin | beritaiban@gmail.com
May 7, 2020

KASIH AMAT: Orang mayuh berintai nitih gintir sebedau tama kedai ‘Pajak Gadai’, Hari Satu tu tadi.

Hari Satu tu tadi (4 May 2020) iya nya, hari keterubah Atur Mindah Besekat Bisi Penetap (PKPB) dipejalaika di menua Malaya, maya nya mega mayuh orang berintai nitih gintir deka tama ke kedai nyual keresa berega (kedai pajak gadai).

Asil pansik raban Berita Iban Online, orang mayuh ti berintai nya laban deka ninggalka keresa ti berega ke diempu sida iya lalu deka nginjau duit ba kedai nya.

Kredit: Facebook

Ba hari ke sama, bisi siku ibuk ti sama bela enggau orang mayuh berintai nitih gintir deka tama ke kedai Pajak Gadai di Taman Jubilee, Ipoh.

 Siku indu biak ti ngena Twitter @theiliaqilah, sempat betanya enggau ibuk nya.

“Ibuk nama kebuah nuan enggai enda enggau orang mayuh berintai panjai ditu?

“Pagila ulih mih nuan kitu baru?” pia ku @theiliaqilah nanya ibu nya.

“Anak aku napi penyakit ampus, duit bantu BPN lalu bedau ga masuk..”

“Kelimpah ari nya, gaji aku pen nyau udah abis..” ku ibuk nya sebana ba indu biak nya.

“Aku tu gawa semina makai gaji hari aja,” ku iya madahka kediri ti gawa nyadi tukang tuchi (cleaner).

@theiliaqilah pen nyau berasai kasih sereta sinu ngenang penusah ke ditapi ibuk nya, lalu bekunsika cherita nya ba media rama Twitter.

Kredit: Twitter

Orang mayuh ke ngena internet (netizen) ti bisi macha penusah ke ditapi ibuk nya pen berasai sinu ngenang tudah iya.

Bisi mega bala netizen nguji deka mantu ibuk nya, tang @theiliaqilah nadai naruh penerang ti silik bekaul tauka lumur talipaun ibuk nya.

Engka sida iya nyau nadai jalai bukai deka ngidupka diri sebilik. 😢

Kredit: Twitter

Kredit: Twitter

Kredit: Twitter

Ngarapka orang ke kurang penatai pemisi baka ibuk tu ulih nerima bantu BPN enggau naka pengelengkas, lalu ngarapka sida iya ulih besabar napi penguji tu. Tuhan merekat semua 🙏

Kasih amat ngenang penusah ke ditapi ibuk nya.. 😢