Jaku Pesan Ngetas Ulit: Niang Siling anak Abang -->
Cari Berita

Advertisement

Jaku Pesan Ngetas Ulit: Niang Siling anak Abang

Admin | beritaiban@gmail.com
May 6, 2020

INFOGRAPHIK PESAN NGETAS ULIT: RIP Niang Siling anak Abang 🙏

Selamat tengahari ngagai semua bala pemacha @beritaibanMY | beritaiban.com 😇

Tengahari tu kami deka bekunsika Jaku Pesan Ngetas Ulit ke diterima kami ari Florence Chel.



Enggau basa ti besai, aku Florence Chel, ngarika kami sebilik deka nesau bala kaban belayan enggau bala pangan ke ngelala indai aku tauka Niang 'Siling anak Abang'.

Jaku pesan tu deka mai kita sama bela sampal datai ngagai rumah: Tr Rengan, Selambing, Krian, 95400, Saratok.

Laban pengawa ngetas ulit niang tu deka di intu bebala mayuh kena, lemai Hari Enam (09 May 2020).

Pengawa Ngetas Ulit deka berengkah urung jam 6 lemai lalu dipejalaika ngena chara orang pengarap kristian.

Semua bala mayuh enggau kaban belayan ke ngelala indai aku tauka Niang 'Siling anak Abang', kita di pinta datai lebuh maya pengawa ngetas ulit Niang dipejalaika.

Berebak enggau tu, kami sebilik deka meri besai terima kasih ngagai semua bala kaban belayan enggau bala pangan ke bisi datai ngesah, meri sukung sereta tulung maya Pengawa Nyengaie tauka Ngintu Niang 'Siling anak Abang', apin ke udah.

“Minta bala kaban belayan tau ngemanjai tauka nyadung berita tu ngagai kaban belayan ke bukai, enda kira jauh tauka semak,” ku Florence.

Enti nyema nuan, deka nemu berita tauka penerang ti silik bekaul enggau Atur Pengawa Ngetas Ulit Niang 'Siling anak Abang', kita tau betanya ngena talipaun ngagai :

+6011 3353 5399 (Florence Chel)
+6011 5161 5001 (Kennedy)
+6011 3302 2803 (Robin)



BESAMPI KITAI: Ngarapka semengat niang begulai manah enggau orang ti kudus di Serega. Amen 🙏