Jaku Pesan Ngetas Ulit: Niang Ex TR Saban Anak Birang -->
Cari Berita

Advertisement

Jaku Pesan Ngetas Ulit: Niang Ex TR Saban Anak Birang

Admin | beritaiban@gmail.com
May 21, 2020

INFOGRAPHIK PESAN NGETAS ULIT: RIP Niang Ex TR Saban Anak Birang 🙏

Selamat pagi ngagai semua bala pemacha @beritaibanMY | beritaiban.com 😇

Pagi tu kami deka bekunsika Jaku Pesan Ngetas Ulit ke diterima kami ari Leckery Lupang.



Enggau basa ti besai, aku Leckery Lupang, ngarika kami sebilik deka nesau bala kaban belayan enggau bala pangan ke ngelala Aki aku tauka Niang Ex TR Saban Anak Birang tauka laki Merai Anak Gegang.

Jaku pesan tu deka mai kita sama bela sampal datai ngagai: Rumah Saban Kampung Kuala Balingian.

Laban pengawa Nungu Ulit Niang dipejalaika kena Hari Enam tu (23 May 2020).

Pengawa Ngetas Ulit deka berengkah tumu pagi Hari Minggu (24 May 2020) lalu dipejalaika ngena chara orang pengarap lama.

Semua bala kaban belayan ke ngelala Aki aku tauka Niang 'Ex TR Saban Anak Birang tauka laki Merai Anak Gegang', kita di pinta datai lebuh maya pengawa ngetas ulit Niang dipejalaika.

Berebak enggau tu, aku ngarika kami sebilik deka meri besai terima kasih ngagai semua bala kaban belayan enggau bala pangan ke bisi datai ngesah, meri sukung sereta tulung maya Pengawa Nyengaie Niang 'Ex TR Saban Anak Birang tauka laki Merai Anak Gegang', apin lama ke udah.

Enti nyema nuan, deka nemu penerang ti silik bekaul enggau Atur Pengawa Ngetas Ulit Niang 'Ex TR Saban Anak Birang tauka laki Merai Anak Gegang', kita tau betanya ngena talipaun ngagai :

+60138077235 (Januai Anak Saban)
+60138137736 (Merai Anak Gegang)
+601151704095 (Mikai Anak Saban)



“Minta bala kaban belayan sama besaup nyadung Jaku Pesan Ngetas Ulit tu ngagai kaban belayan ke bukai, enda kira jauh tauka semak,” ku Leckery.