JAKU PESAN PEMATI: Manggat anak Ganai -->
Cari Berita

Advertisement

JAKU PESAN PEMATI: Manggat anak Ganai

Admin | beritaiban@gmail.com
May 1, 2020

Picha niang Manggat anak Ganai tauka Apai Jubang (picha mit) enggau penerang pasal jaku pesan pemati iya.

Jaku Pesan Pemati tu datai ari Jubang anak Manggat tauka Apai Awang, madahka pemati apai iya, Manggat anak Ganai tauka Apai Jubang udah nadai kemari, kena 30 April 2020, urung jam 3.10 pagi.

Pesan tu ditujuka ngagai kaban belayan ba Nanga Bangkit, Selidap, Bukit Jaong, Sungai Sian, Sungai Janting, Skim B, Ulu Meradong, Bukit Tinggi Bintangor, Sungai Kerubong Serikei, Nanga Beketan, Nanga Linjan Julau, Pasin, Pasai Siong, Bukit Kemuyang Sibu sereta bala kaban belayan bukai ke enda ulih disebut nama ditu.

Pesan tu minta semua bala kita ke dipesan tu, datai ngagai Rumah Empani anak Budom, Rumah Panjai Lubok Putan, Sungai Meradong, Bintangor, Sarawak.

Laban niang tu deka disengaie bala mayuh sehari tu, 1 May 2020, lalu deka dianjung pagila, Hari Enam iya nya, 2 May 2020 ba pendam SDNU Teku, Sibu.



Berebak enggau tu, kami ari Berita Iban Online deka ngenataika penyinu ati ngagai semua bala ke sebilik enggau niang Manggat anak Ganai.

Taja niang udah nadai, pemanah budi enggau basa maya iya agi idup seruran dikenang kitai belama. 😢

Aram kitai sama besampika niang ngambika semengat iya begulai manah enggau orang ti kudus ba serega enggau ngarapka sida iya sebilik ulih besabar napi penguji ti chukup besai tu. Tuhan merekat semua 🙏

RIP Manggat anak Ganai tauka Apai Jubang 🙏