Kasih meda.. Ngarapka sida iya enda nyual keresa tikah mih.. -->
Cari Berita

Advertisement

Kasih meda.. Ngarapka sida iya enda nyual keresa tikah mih..

Admin | beritaiban@gmail.com
May 4, 2020

KASIH AMAT: Besabar nitih gintir sebedau tama kedai.

MEDIA RAMA:
Status siku lelaki ti mantaika dua iti picha bekaul enggau orang ti deka tama ke kedai nyual keresa ti berega bebali nyadi viral, lemai tu tadi.

Sinu lelaki ke dikelala ngena nama Joni, mansutka pekara nya ba status twitter.

Joni madah, sinu meda orang mayuh beripih panjai nitih gintir ketegal deka tama ke kedai nyual (gadai) keresa ti berega (pawn shop) di Petaling Jaya, lemai tadi.

“Ngarapka sida iya enda nyual barang ke dibeli kena sida iya kawin (tikah) suba mih 😢,” ku iya.

Naka jam 6 lemai tu tadi, udah lebih ari tujuh ribu iku orang nyadung status iya nya ba Twitter enggau bisi mega nyadung status ke sama ba Facebook.

Asil pansik raban Berita Iban Online, status Joni nyadi viral ketegal mensia mayuh ti ngena internet (netizen), sinu ngenang nasib ke ditapi orang ke sanggup bejualka keresa ketegal deka ngidupka diri sebilik.

Kami mega bisi ngerikodka sekeda ari saut (komen) mensia mayuh ba status nya.

Kredit: Twitter
Kredit: Facebook

Kredit: Facebook

Kredit: Facebook

Kredit: Facebook

Kredit: Facebook

Sinu ngenang penusah ke ditapi sesiku kitai maya menua kitai agi siga. Ngarapka sida iya ulih besabar napi penguji tu. Tuhan merekat semua 🙏😢