Kaunter Bejalai BSN deka dibuka 10-11 Mei 2020 di Pakan, Sarikei -->
Cari Berita

Advertisement

Kaunter Bejalai BSN deka dibuka 10-11 Mei 2020 di Pakan, Sarikei

Admin | beritaiban@gmail.com
May 8, 2020

ILLUSTRASYEN PICHA: Staf bank benung ngaduka pengawa (kiba) enggau logo BSN (kanan). (Google picha)

KUCHING: Perintah Sarawak deka ngagihka RM1.6 Juta kena bebayar asuh Bank Simpanan Nasional (BSN) ngambika sida ulih bejalaika Servis Bank Bejalai sereta chukup perengka Mesin ATM MEPS ti deka dikena ba menua luar nengeri.

Kepala Menteri Sarawak, Datuk Patinggi Abang Zohari Tun Abang Haji Openg mansutka jaku tauka pekara nya ba Aum Media Khas Bantuan Khas Sarawakku Sayang (BKSS) 3.0, sehari tu tadi.

Ku iya, chara tu kena mantu bala peranak menua pesisir tauka orang ke diau ba luar nengeri ti tusah deka ngulihka servis bank.

“Aku udah ngaga initiatif kena besaup enggau Bank Negara Malaysia (BNM), Bank Simpanan Nasional (BSN) enggau beberapa institusyen bukai kena nyediaka servis bank sida iya ba menua luar nengeri.

“Aku deka meri jaku gerah, iya nya Servis Bank Bejalai ti chukup enggau perengka Mesin ATM MEPS sekali deka dibuka (beoprasyen) ba menua luar nengeri Sarawak,” ku iya.

“Nyadi kena kitai ngepunka dulu, kaunter bejalai BSN deka dibuka di Pakan, Sarikei berengkah ari 10 nyentuk ke 11 Mei 2020 enggau servis tu deka dipejalaika ba kandang menua pesisir ke bukai di Sarawak,” ku Abang Johari.