Nadai kebuah orang ke gawa perintah diasuh beperesa COVID-19 -->
Cari Berita

Advertisement

Nadai kebuah orang ke gawa perintah diasuh beperesa COVID-19

Admin | beritaiban@gmail.com
May 5, 2020

ILLUSTRASYEN PICHA: 29 iku orang ti udah suman ari napi penyakit COVID-19.  (bernama picha)

KUCHING: Nadai kebuah orang ke gawa perintah diasuh beperesa COVID-19 laban mayuh agi bala sida iya diau ba rumah diri aja, sekumbang timpuh Atur Mindah Besekat (PKP) dipejalaika.

Chairman Gerempung Orang Gawa Perintah (CUEPACS) Nengeri Sarawak (CNS), Ahmad Malie madahka, orang ke gawa perintah mayuh agi semina kediau di rumah aja enggau nadai mindah ke menua bukai, sida iya nyau baka ke udah dikuarantin ngelui ari maya ke ditetap enti disemaka enggau timpuh kuarantin pengelama 14 hari.

Nya alai, nadai kebuah orang gawa perintah diasuh beperesa COVID-19, semadi mih sida udah bisi datai kelai baka orang ti kena rampit penyakit nya. 

“Enti semina beperesa sereta ngulihka ikas pengangat tubuh enggau nuchi jari sebedau tama ngagai opis, CNS nadai penanggul sereta setuju enggau atur nya,” ku iya mansutka jaku tauka pekara nya ba penerang berita, kemari.

Tang taja pia ku Ahmad, ngagai orang gawa perintah ti bisi kala mindah ke menua bukai sebedau tu tang deka berengkah gawa, sida iya dilalau beperesa pengerai dulu.

“Berebak enggau nya, bala pemesai (boss) mega patut nyendiaka rikod pejalai staf sida sekumbang timpuh PKP ti dipejalaika tauka minta semua staf madahka tunga pemindah diri.

“CNS pechaya tetiap bala pemesai ngembuan chara dikena ngelala tauka nemu pemindah staf sida iya empu,” ku iya.

“Kebuah ngerikod pemindah nya, ngambika nemu ni bagi orang gawa perintah tauka staf nya patut diasuh peresa tauka enda,” tandu iya.