Nyerah diri ke Balai Polis, pengudah ‘viral’ ba media rama..
Cari Berita

Advertisement

Nyerah diri ke Balai Polis, pengudah ‘viral’ ba media rama..

Admin | beritaiban@gmail.com
May 25, 2020

Picha suspek (kiba) enggau status ke dipansutka iya ti viral ba Facebook.

Siku lelaki nyerah diri ke Balai Polis Sibu Jaya, pengudah nemu diri digaga polis ketegal ngelaban Atur Mindah Besekat Ke Bisi Penetap (PKPB) iya nya, pansut ari rumah maya iya agi dalam timpuh kuarantin.

Sapit Polis Sarawak, Datuk Dev Kumar  madahka, lelaki nya beumur 27 taun, ti gawa nyadi Site Supervisor di Kuala Lumpur, orang menua ari Sibu ti datai ba Sibu kena 17 May 2020.

Ku iya, lelaki udah dikuarantin ba sebuah hotel di Sibu, pengudah nya iya diasuh diau (dikuarantin) ba rumah nyentuk ke 30 May tu.

"Pagi tu tadi, bisi siku lelaki ti diasuh Opis Menteri Pengerai Malaysia (KKM) kuarantin di rumah nyentuk ke 30 May 2020 udah mantai sereta madahka diri ba Facebook, makai mee ba sebuah kedai kupi di Sibu Jaya.

“Berindik ari reaksyen orang mayuh (netizen), raban polis ari BP Sibu Jaya pan ngesah ke kedai kopi nya. Pengudah nemu diri empu digiga polis, lelaki nya pan lalu nyerah ke Balai Polis Sibu Jaya," ku iya lebuh dirandau pengarang berita.

Ku Dev, kes nya udah dipadahka ngagai KKM kena bejalaika ukum undang-undang.

Nemu ga iya takut... 🤦🏻‍♂️