Pemindah entara Pelilih di Sarawak agi begunaka pemendar ari polis -->
Cari Berita

Advertisement

Pemindah entara Pelilih di Sarawak agi begunaka pemendar ari polis

Admin | beritaiban@gmail.com
May 9, 2020

ILLUSTRASYEN PICHA: Raban polis enggau soldadu benung bejalai roadblock COVID-19. (TheStar picha)

KUCHING: Komiti Mutarka Penusah Ngenyit Nengeri Sarawak (JPBN) madahka, pejalai tauka pemindah entara Pelilih di Sarawak agi begunaka pemendar ari raban polis.

Sapit Kepala Menteri, Datuk Amar Douglas Uggah Embas madahka, madah atur nagang pemindah entara Pelilih di Sarawak agi mengkang baka ngelama tu.

“Nya alai raban polis agi bejalaika pengawa ngemata sereta nyekat jalai alun (roadblock) ba semua entara Pelilih ngambika ulih nyaga enggau nagang pemindah orang mayuh entara Pelilih.

“Orang ramai agi diasuh tauka patut minta pemendar ari polis sebedau mindah ari Pelilih,” ku Uggah ti nyadi Chairman JPBN mansutka jaku nya ba Aum Media COVID-19 Ninting Hari, sehari tu tadi.

Ku Uggah, penerang ti viral ba media rama madahka semua roadblock di Sarawak udah nadai agi (ditutup) berengkah ari jam 6 lemai kemari.

“Berita tauka pekara ti viral ba media rama nya bula tauka enda engkeman,” ku Uggah.