Pengawa bedagang di serata nengeri Sarawak tau buka berengkah lusa -->
Cari Berita

Advertisement

Pengawa bedagang di serata nengeri Sarawak tau buka berengkah lusa

Admin | beritaiban@gmail.com
May 10, 2020

Sapit Kepala Menteri, Datuk Amar Douglas Uggah Embas

Pengawa bedagang tauka aktiviti sektor ekonomi di serata nengeri Sarawak deka dikemendarka buka berengkah lusa, 12 Mei 2020.

Sapit Kepala Menteri, Datuk Amar Douglas Uggah Embas madahka, Komiti Mutarka Penusah Ngenyit Nengeri Sarawak (JPBNS) udah nerima enam pekara ari Opis Pengerai Nengeri Sarawak (JKNS), lalu tu patut diperundingka sebedau ngemendarka pengawa bedagang tauka aktiviti ekonomi buka.

“Pengudah JPBNS mansik ripot ti dibantaika Direktor Opis Pengerai Nengeri Sarawak, komiti ngaga pemutus sereta ngemendarka pengawa bedagang tauka aktiviti sektor ekonomi dibuka berengkah 12 Mei 2020 di serata nengeri Sarawak.

“Prosedur Operasyen Standard (SOP) maya bejalaika operasyen udah disediaka sereta benung dipadah ngagai semua raban ti bekaul enggau ni bagi utai ti ulih diadu enggau utai ti enda ulih diadu.

“Ngagai sapa ti deka berengkah muka baru kedai tauka bejalaika pengawa bedagang, sida iya patut madah ngagai Komiti Mutarka Penusah Ngenyit bagi menua diri empu,” ku Uggah ti mega Chairman JPBNS mansutka pekara nya ba Aum Pengarang Berita COVID-19 Ninting Hari di Kuching, kemari.

Ku Uggah, JPBN arap bendar enggau pemutus ti ngemendarka muka baru pengawa bedagang ulih meri pengelantang ngagai rayat ti udah napi penanggul tauka tekeruga penatai pemisi semanjai timpuh Atur Mindah Besekat (PKP) dipejalaika kenyau ari 18 Mac 2020.

“Taja pan pekara nya udah diputuska, tang ukai reti perintah Sarawak enda ibuhka pasal pengerai.

“Dua pekara nya, iya nya bekait pengerai enggau pengawa bedagang tauka sektor ekonomi sama bela dikemeratka ungkup pemaik kitai semua.

“Nya alai SOP sektor ekonomi ti terit udah disediaka kena nentu sereta ngamatka tusun atur ngasi enggau nagang dititihka,” ku iya.

Ku iya, Raban Pemesai Nengeri Sarawak (PBT), polis, Raban Penyaga Pengelikun Periman, RELA deka bejalaika pengawa ngemata menua enggau penerit adat dikena kitai ngamatka SOP bejalai enggau mujur.

“Ukum ti terit deka dipejalaika ngagai sida ke enda nitihka SOP ke udah ditetapka nya,” ku iya.

Kredit: @sarawaktribune

Kredit: @sarawaktribune

Kredit: @sarawaktribune

Kredit: @sarawaktribune

Kredit: @sarawaktribune

Kredit: @sarawaktribune

Kredit: @sarawaktribune

Kredit: @sarawaktribune

Kredit: @sarawaktribune

Kredit: @sarawaktribune


Kredit: @sarawaktribune



Deka nemu enggau silik agi?. Nuan tau betanya nengah talipaun ngagai Opis Komiti Mutarka Penusah Ngenyit Nengeri Sarawak (JPBNS) Sarawak ngena lumur 082-443991 (nitihka jam opis orang gawa perintah buka) tauka nganjung email ngagai jpbn@sarawak.gov.my tauka macha penerang ba laman web sida iya nya, https://infodisaster.sarawak.gov.my/