PKPB dilanjarka 4 minggu agi.. -->
Cari Berita

Advertisement

PKPB dilanjarka 4 minggu agi..

Admin | beritaiban@gmail.com
May 10, 2020

Menteri Besai, Tan Sri Muhyiddin Yassin.

Perintah Malaysia ngaga pemutus ke alai Atur Mindah Besekat Ke Bisi Penetap (PKPB), deka dilanjar empat minggu agi iya nya ari 13 nyentuk 9 Jun 2020.

Menteri Besai, Tan Sri Muhyiddin Yassin madahka, pemutus ngelanjar tauka nambah timpuh PKPB pengelama empat minggu agi digaga pengudah iya ninga jaku ajar ari bala pemesai Opis Pengerai Malaysia (KKM) enggau Opis Nyaga Pengelikun Menua Malaysia (MKN) ngambika ulih nyeliah penyelekai penyakit COVID-19.

“Kitai agi bedau mujur endar ngelaban munsuh ti enda dipeda. Nya alai kitai patut nyikap diri ngambika kitai ulih munaska COVID-19 tu.

Enti diperati ari timbal mensia mayuh, tebal agi rayat Malaysia deka ngasuh perintah majak bejalaika pengawa ti patut kena munas tauka ngelaban penyakit COVID-19 tu,” ku iya mansutka jaku nya ti dipancharka ba stesyen-stesyen televisyen Malaysia, sehari tu tadi.