Pulai mih nuan jang Itum.. -->
Cari Berita

Advertisement

Pulai mih nuan jang Itum..

Admin | beritaiban@gmail.com
May 12, 2020

PULAI MIH NUAN BUJANG: Picha Jackson Linggi, kasih ke bala kita sebilik nganti penatai tauka pemulai nuan.

Siku anembiak lelaki diripotka lenyau pengudah iya nadai pulai ke rumah kenyau Hari Lima, 8 May 2020.

Nitihka penerang ke diterima Berita Iban Online, ari Franchis Ngu Hown Hua madahka, aku nemu pasal pengelenyau pasal anembiak lelaki ke lenyau nya ari bakih apai iya ti nganjung mesej ngagai aku, kemari.

Anembiak lelaki ke lenyau nya dikelala ngena nama Jackson Layang anak Linggi, 16 taun, orang ari Batu 6, Bintulu, udah enda pulai ke rumah kenyau 8 May 2020 nyentuk ke kemari, 11 May 2020.

Ku Franchis, hari ke penudi iya dipeda, Layang ngena baju chura kuning Eva Express, tanchut pandak getah baka tanchut main bul enggau ngena selipar chura biru.

Jackson Layang anak Linggi

“Ngena baju tu (baka ba picha atas) sebedau iya diripotka lenyau,” ku Franchis.

Pagi tu tadi, raban Berita Iban Online bisi berandau enggau indai Itum lalu nanyaka rita bekaul enggau pengelenyau anak iya Jackson Layang anak Linggi tauka Itum.

“Agi bedau betemu enggau Itum aku, tang bisi orang madahka aku iya bisi ba sebelah bilik suwa di pasar Bintulu dia,” ku iya.

“Aku nyau enda nemu baka ni chara begigaka iya agi.. Chukup tusah ati ngenang anak aku nya..

“Makai pan aku enda masuk, ati mega majak kekesit betati ke iya lalu nadai pepulai ke rumah.

Ku iya, enti nyema iya diau ba rumah bala kaban enda ga entu ngasuh ati kami bangat irau, tang pengudah semua bala kaban iya madahka, nadai begulai enggau iya lemai Hari 5, 8 May 2020.

“Dini mih pendiau Itum diatu.. Chukup irau ati aku iya.. Kada mih iya makai bisi meruan makai ba luar din.. Enggai aku meda iya bisi pedis, telih semua..” ku iya ngenang anak iya enggau sesabak.

“Aku nangi ke iya dijamah tauka dipalu orang ba sebelah jalai. Takut ke bisi nenama utai nyadi lebuh iya kediri,” ku iya lalu madahka ripot polis udah digaga kena nyaga pengelikun Itum.

“Sapa ke bisi meda tauka bepansa enggau anak aku (Itum) tau ngasuh sida iya betalipaun ngagai lumur 0128849036 tauka ngaga ripot ba balai polis ke semak,” tandu iya.

Pulai mih nuan Jackson Layang (Itum)..

Kasihka bala kita sebilik kelebih agi indai nuan, ti benung tusah amat ati nganti pemulai sereta penatai nuan.. 🙏