Sapa ti enda nitihka PKPB deka ditinggang ukum undang-undang -->
Cari Berita

Advertisement

Sapa ti enda nitihka PKPB deka ditinggang ukum undang-undang

Admin | beritaiban@gmail.com
May 12, 2020

Ketuai Polis Sarawak, Datuk Aidi Ismail

Raban Khas PDRM Sarawak deka bejalaika pengawa matau ngambika mensia mayuh seruran nitihka Prosedur Operasyen Standard (SOP) ti udah ditetapka ba semua sukut ti dikemendarka beoperasyen, sepemanjai Atur Mindah Besekat Ke Bisi Penetap (PKPB) di Sarawak.

Ketuai Polis Sarawak Datuk Aidi Ismail madahka, penyampau 113 iku raban khas ti ditumbuhka sereta bepalan ba tetiap iti pelilih menua di nengeri tu sepemanjai Atur Mindah Besekat Ke Bisi Penetap (PKPB).

Raban khas PDRM tu deka nyeleti ngambika sukut ti bekait ulih nitihka SOP ti udah ditetapka Komiti Mutarka Penusah Ngenyit Nengeri Sarawak (JPBN).

Kelimpah ari nya, pengawa nitihka SOP ti udah ditetapka Opis Menteri Pengerai Malaysia (KKM) nitihka Akta Nyeliah enggau Nagang Penyakit Berampit 1988 (Akta 342) mega deka diperati tauka dipatau.

Aidi madahka, sapa ti enda nitihka PKPB deka ditinggang ukum undang-undang ti diterit atur kenyau 4 mei tu tadi.

“Jaku ajar enggau lara udah enda dikena, diatu kami sedia deka bejalaika ke pengawa ngagai orang ti ngelaban undang-undang nya” ku iya madah enggau nyemetak. #UtusanBorneo