Sarawak deka meri RM500 ngagai orang bujang, 21 taun ke atas -->
Cari Berita

Advertisement

Sarawak deka meri RM500 ngagai orang bujang, 21 taun ke atas

Admin | beritaiban@gmail.com
May 8, 2020

Kepala Menteri Sarawak, Datuk Patinggi Abang Johari Tun Abang Haji Openg. (Mole picha)

KUCHING: Perintah Sarawak deka meri RM500 ngena chara sekali bayar (one-off) ngagai urung 377,806 orang bujang ti begaji baruh ari RM2,000 sebulan enggau beumur 21 taun ke atas.

Kepala Menteri Sarawak, Datuk Patinggi Abang Johari Tun Abang Haji Openg mansutka jaku tauka pekara ba Aum Media “Bantuan Khas Sarawakku Sayang (BKSS) 3.0” sehari tu tadi.

Ku iya, inisiatif tu dipelabaka deka ngena urung penyampau RM234.0 juta duit perintah Sarawak.

Berebak enggau nya, ba aum nya mega, Abang Johari madahka, bantu ngena chara sekali bayar penyampau RM1,500 ngagai urung 30,000 iku orang ke nyadi tuai bilik ti bulih bantu nya, tang nadai ba dalam rikod (list) BKSS 1.0.

“Perintah Sarawak udah nerima mayuh penerang tauka ripot ari bala tuai bilik ti patut bulih bantu nya tang nadai ba dalam rikod BKSS 1.0.”

“Nya alai perintah Sarawak deka muka peluang ngagai bala tuai bilik ti patut bulih bantu nya. Bala tuai bilik, ulih nguji minta kasih ngena chara betalipaun tauka minta ba Opis Pelilih ke semak, berengkah ari 18 April nyentuk ke 28 April 2020,” ku iya.

Sebedau tu, ba dalam jaku gerah BKSS 1.0 tuai bilik dikategorika B40 di Sarawak ti bisi penatai pemisi kurang ari RM4,000 sebulan, deka diberi bantu RM250 pengelama 6 bulan.



Deka nemu enggau silik agi?. Nuan tau betanya nengah talipaun ngagai Opis Perintah Sarawak ngena lumur 082-555999 (nitihka jam opis orang gawa perintah buka) tauka nganjung email ngagai 555999@sarawak.gov.my tauka macha penerang ba laman web Perintah Sarawak iya nya, www.sarawak.gov.my.