Seagi kitai enda tetemuka vaksin, seagi nya mih kitai idup enggau COVID-19 -->
Cari Berita

Advertisement

Seagi kitai enda tetemuka vaksin, seagi nya mih kitai idup enggau COVID-19

Admin | beritaiban@gmail.com
May 7, 2020

Chief Direktur Opis Pengerai Malaysia, Datuk Dr Noor Hisham Abdullah. (RTM picha)

Semua pupu raban bansa ke diau di Malaysia semampai nganti ripot tauka jaku gerah bekait penyakit COVID-19, kelebih agi ari Chief Direktur Opis Pengerai Malaysia, Datuk Dr Noor Hisham Abdullah.

Nya mih siti ari tanda peranak menua Malaysia deka nemu berita ke baru pasal munsuh kitai ke enda dipeda tu, iya nya penyakit COVID-19.

Taja pan kes positif Covid-19 dipeda agi mengkang enggau dua digit, tang iya dipeda niki mimit ari ripot ensana, iya nya semina 30 kes tauka ripot ti pemadu baruh sepemanjai timpuh penyakit COVID-19 (pendemik) ti datai ba menua kitai.

Kredit: Facebook

Kelalu tumu deka dipadahka udah kurang tauka nurun mayuh


Kemari, Dr Noor Hisham mega bisi meri jaku lalu ngagai mensia mayuh ngambika enda kelalu gaga meda pemutus ripot COVID-19 udah mayuh nurun laban agi kelalu tumu kitai deka madahka penyakit COVID-19 tu udah enda agi ngachau (bahaya) di Malaysia.

Kredit: Facebook

Kitai deka mengkang idup enggau COVID-19


Dr Noor Hisham madahka, kitai ulih menang enti semua kitai bisi disiplin ti tinggi baka di menua Vietnam, Taiwan enggau Korea Selatan ti udah ka lepas ari penyakit COVID-19 tu.

Ku Dr Noor Hisham, seagi kitai enda tetemuka vaksin tauka ubat ti bekait enggau pendemik tu, seagi nya mih kitai idup begulai enggau COVID-19.

Kredit: Facebook

Berebak enggau tu, aram mih kitai sama bela nitihka Atur Mindah Besekatka Bisi (PKPB) sereta nyaga penyauh diri ari orang bukai, iya nya semita ari pangan diri enggau sama nyaga pengerai diri empu mega ngambika kes positif Covid-19 di Malaysia ulih beinsur jampai agi nurun lalu lenyau ari menua kitai.

Aram mih kitai besaup mantu bala raban Pengeluan (frontliner) enggau kasih ke sida ti udah bendar amat deka nagang pengelekai penyakit COVID-19.

Aram sama bela besaup nagang penyelekai sereta muru penyakit COVID19 ari menua kitai! 💪