Semina sehari aja tau ngabang Hari Raya, Hari Gawai taun tu -->
Cari Berita

Advertisement

Semina sehari aja tau ngabang Hari Raya, Hari Gawai taun tu

Admin | beritaiban@gmail.com
May 14, 2020

Datuk Amar Douglas Uggah Embas

Rayat nengeri Sarawak dikemendarka semina sehari aja, ulih ngabang maya pengerami Hari Gawai enggau Hari Raya.

Sapit Kepala Menteri, Datuk Amar Douglas Uggah Embas madah, dalam Chuan Lalau (guideline) enggau SOP dua pengerami nya mega bisi natakka penyampau pengabang ke tau datai ngabang ke rumah.

“Komiti Mutarka Penusah Ngenyit Nengeri Sarawak (JPBNS) udah ngaga pemutus Chuan Lalau (guideline) enggau SOP pengerami maya ngintu Hari Raya enggau Hari Gawai.

“Keterubah, timpuh ngintu pengerami semina dikemendarka sehari aja.

“Enggau ke lumur dua, iya nya semina bala diri sebilik ke semak aja ke tau ngabang enggau penyampau orang ke ngabang nya enda ulih ngelui ari 20 iku sehari,” ku iya.

Uggah ti mega Chairman Komiti Mutarka Penusah Ngenyit Nengeri Sarawak (JPBNS) mansutka jaku tauka pekara nya ba Aum Media COVID-19 Sarawak, kemari.