Siku lelaki bebadi nyawa, eksiden di Jalai Bau-Batu Kawa -->
Cari Berita

Advertisement

Siku lelaki bebadi nyawa, eksiden di Jalai Bau-Batu Kawa

Admin | beritaiban@gmail.com
May 25, 2020

KASIH AMAT: Pendiau mutosikal tudah Dauglas (picha pit) enggau kerita ba palan eksiden nyadi.

Siku lelaki bebadi nyawa pengudah mutosikal ke ditepan iya belantak enggau sebuah kerita di Kilometer 13, Jalai Bau-Batu Kawa semak Tondong, lemai kemari.

Ketuai Opis Tasat enggau Penguasa Trafik Sarawak madahka, tudah lelaki nya dikelala nama Dauglas Bangga Nair, 24 taun, orang ari Rumah Bama Nanga Risau Awik, Saratok.

Ku iya, eksiden nyadi urung jam 5.30 lemai lebuh tudah Dauglas benung dirantau jalai ari Kuching nuju ke Bau.

“Asil pansik tumu, eksiden nyadi maya tudah Dauglas nguji ngelih sebuah kerita ke bisi ba mua iya tang mutosikal ke ditepan iya enda ulih dijaga sereta enda ulih ngelih kerita nya enggau ngujungka iya ngelantak sebuah kerita ti benung mansang ari Bau.

“Pemalat eksiden nya ngujungka tudah Dauglas bakal enggau raban paramedik ke bisi ngesahka palan eksiden nyadi madahka, iya udah nadai tauka parai ba palan eksiden nyadi,” ku iya madah ba penerang, kemari, Hari Minggu.

Nitihka penerang, deriba kerita ke mansang ari Bau nuju ke Kuching nya nadai nenama tauka selamat.

“Tubuh tudah Dauglas udah dianjung ke Unit Perubat Forensik Sepital Bau kena bejalaika pengawa silik agi,” ku iya.

Pengawa mansik dipejalaika ari baruh ‘Seksyen 41 (1) Akta Pengangkutan Jalan 1987’.

RIP Dauglas Bangga.. 🙏