Siku lelaki ditemu parai ba endur iya suah ngiga sayur babas -->
Cari Berita

Advertisement

Siku lelaki ditemu parai ba endur iya suah ngiga sayur babas

Admin | beritaiban@gmail.com
May 12, 2020

KASIH AMAT: Tudah Enchana dibab ngena kain chura burak.

Siku lelaki ditemu parai ba endur iya suah ngiga sayur babas di Jalai Ubah, Lanang, kemari.

Nitihka penerang ke diterima Berita Iban Online, tudah lelaki ke parai nya dikelala ngena nama Enchana Jantom, 41 taun, orang ari Rh Seman, Ulu Lasi, Julau ditemu bala sida sebilik pengudah iya pansut ari rumah pagi kemari enggau enda pepulai.

Ketuai Polis Pelilih Sibu, ACP Stanley Jonathan Ringgit madahka, tudah lelaki nya (Enchana) suah ngiga sayur babas (paku) ba endur nya.

“Sebedau penusah nyadi, Tudah Enchana pansut ari rumah urung jam 8.30 pagi nya, tang nyentuk ke jam 4 lemai iya agi ga bedau pulai ke rumah.

Enti baka ngelama tu, tudah Enchana sigi bisi pulai belama.

“Ketegal irauka pengelikun tudah Enchana, sida ke sama sebilik lalu pansut ngiga Enchana ba endur babas nya,” ku iya lebuh dirandau pengarang berita, kemari.

Ku Stanley, tudah Enchana penatai ari orang Rh Seman, Ulu Lasi, Julau, bejalai kaki ngagai endur penusah nyadi nya.

Ku iya, nitihka penerang tudah Enchana ngelama tu sigi bisi sakit jantung enggau darah tinggi.

“Raban Paramedik ti bisi datai ngesah ke palan penusah nyadi madahka, tudah Enchana nadai bekau bakal ba tubuh iya.

“Tubuh tudah Enchana pengudah nya dianjung ke Sepital Sibu kena bejalaika pengawa silik agi,” ku iya.

Kes nya ditukuka nyadi Parai Ngenyit (SDR).



RIP Enchana 🙏