Siku lelaki parai, eksiden kediri ba Jalai Harmoni 1-A1 -->
Cari Berita

Advertisement

Siku lelaki parai, eksiden kediri ba Jalai Harmoni 1-A1

Admin | beritaiban@gmail.com
May 5, 2020

KASIH AMAT: Raban bomba benung bejalaika operasyen ba palan eksiden nyadi.

MIRI: Siku lelaki parai pengudah Hilux ke ditepan iya eksiden ba Jalai Harmoni 1-A1, di Tudan, malam tadi.

Nitihka penerang ke diterima Berita Iban Online, lelaki ke eksiden nyadi dikelala ngena nama Liew Thiam Fook, 37 taun diripotka ngapuska seput ke penudi ba palan eksiden nyadi.

Sekretariat Operasyen (PGO), Opis Bomba enggau Penyelamat Malaysia (JBPM) Sarawak madahka, sida iya bisi nerima ripot bekait eksiden nya urung jam  9.11 malam.

Berindik ari nya, Nasir Razali (pemesai bomba) enggau 13 iku raban bomba ari Balai Bomba Lopeng lalu berumban ngesah ke palan eksiden nyadi.

Lebuh datai, Liew diripotka enda ngeleda sereta agi mengkang ba dalam kerita ke ditepan iya siku aja nya.

Ku Sekretariat, nangkan ke nya, operasyen ngemansutka Liew lalu dipejalaika ngena tauka nengah cheremin belakang kerita nya.

“Bisi 10 minit pengelama udah bejalaika operasyen, raban bomba pen mujur mansutka Liew.

“Raban Paramedik ti bisi datai ngesah kia, bisi nguji nyelamatka Liew ngena chara CPR ngambika Liew ulih enseput, tang nadai nerima balas ari Liew enggau raban Paramedik madahka Liew udah enda diselamatka agi tauka udah nadai maya nya,” ku iya mansutka jaku nya ba siti penerang, kemari.

Tubuh tudah Liew udah disuaka ngagai raban polis enggau pengudah nya operasyen pen lalu diketuka urung jam 9.52 malam.