Siku lelaki parai, kena tingang dinding stor -->
Cari Berita

Advertisement

Siku lelaki parai, kena tingang dinding stor

Admin | beritaiban@gmail.com
May 9, 2020

KASIH AMAT: Tudah Karim benung gali sereta dilindung ngena tangi payung.

MIRI: Siku lelaki parai pengudah kena tingang dinding semin (konkrit) sebuah stor di Taman Serene Jelita, Taman Tunku, pagi tu tadi.

Tudah lelaki ke kena tingang dinding semin nya dikelala ngena nama Karim, 55 taun.

Sekretariat Operasyen Opis Bomba Sarawak madahka, raban sida iya bisi nerima ripot bekait penusah nyadi urung jam 8.57 pagi.

Nangkan ke nya, seraban bomba lalu berumban ngesah ke palan penusah nyadi ngambika ulih bejalaika operasyen.

“Lebuh datai, raban bomba madahka, dinding semin sebuah stor ti agi bedau tembu endar udah tebererak lalu ningang tudah iya (Karim).

“Tudah Karim udah mujur dipansutka dulu, sebedau raban bomba datai dia,” ku iya madah ba penerang berita, sehari tu tadi.

Raban Paramedik ti bisi datai ngesah ke kia urung jam 9.35 pagi madahka, tudah Karim enda ulih diselamatka agi tauka udah nadai.

Tubuh tudah Karim pengudah disuaka ngagai raban polis kena bejalaika pengawa silik agi enggau operasyen tembu, urung jam 10.32 pagi.