Siku lelaki parai, nyayat rekung iya empu -->
Cari Berita

Advertisement

Siku lelaki parai, nyayat rekung iya empu

Admin | beritaiban@gmail.com
May 9, 2020

KASIH AMAT: Tudah lelaki nya benung gali telentang sereta dibab ngena kain chura burak.

LIMBANG: Siku lelaki parai pengudah nyayat rekung iya empu ba baruh rumah sida iya di Kampung Pangkalan Madang, lemai kemari.

Nitihka penerang, lelaki nya beumur 38 taun, udah ngapuska seput ke penudi ba palan penusah nyadi (rumah sida iya empu) urung jam 1.28 lemai.

Ketuai Polis Pelilih Limbang,  Superitendan Abang Zainal Abidin Abang Ahmad madahka, apai lelaki nya udah nguji ngaum sereta minta kasih ngambika enda ulah ti baka nya, tang enda diibuhka lelaki nya.

“Apai lelaki nya bisi nagang iya tang, lelaki nya enda mendingka jaku tagang ti dipadahka apai iya nya, lelaki nya nurun ke baruh rumah sereta enda memukai nyayat rekung iya empu enggau ngujungka iya balat dibalut darah,” ku iya lebuh dirandau pengarang berita, sehari tu tadi.

Ku Abang Zainal, raban polis amnsik nama kebuah lelaki nya kempang ati nyayat rekung iya empu.

Tubuh tudah lelaki nya udah dibai ke Sepital Limbang.

Naka ke diatu, kes tu ditukuka nyadi Parai Ngenyit (SDR) sereta pengawa agi pansik dipejalaika.