Siku orang tuai parai, ketegal COVID-19 di Sarawak -->
Cari Berita

Advertisement

Siku orang tuai parai, ketegal COVID-19 di Sarawak

Admin | beritaiban@gmail.com
May 1, 2020

ILLUSTRASYEN PICHA: Tubuh tauka bangkai orang ti udah nadai diengkah dalam kain burak.

KUCHING: Bisi siti (1) agi kes pemati ketegal COVID-19 dirikodka di Sarawak, ti nyadika penyampau semua bisi 17 kes naka kemari.

Sapit Kepala Menteri, Datuk Amar Douglas Uggah Embas madahka, Kes pemati ke-17 iya peranak menua tu lelaki beumur 72 taun ari Kampung Tabuan Lot, Kuching ditu.

Nitih ku Uggah kes ke-19  berengkah ngayanka kelai bisi tabin enggau batuk kena 13 April 2020 lalu kena 16 April 2020, kes bisi datai ke Pusat Jantung Sarawak, Kota Samarahan.

"Kes berengkah ngayanka kelai bisi tabin enggau batuk kena 13 April 2020. Kena 16 April 2020, iya bisi datai ke 'Pusat Jantung Sarawak', Kota Samarahan.

"Maya iya ba 'Pusat jantung Sarawak', kes nya tadi ditemu batuk enggau tabin lalu dikategori nyadi Severe Acute Respiratory Infection (SARI).

MERI PENERANG: Uggah disempulang Menteri Kaunsil Kandang Menua enggau Pengawa Berumah Dato Sri Dr Sim Kui Hian (kiba) enggau Direktor Opis Pengerai Nengeri Sarawak Dr Chin Zin Hing (kanan ba Aum Pengarang Berita COVID-19, kemari.

"Sampel kena meresa sekalika COVID-19 dipejalaika kena 16 April 2020 enggau pemutus Real Time RT-PCR 2019 nCoV ari Makmal Sepital Besai Sarawak kena 18 April 2020, iya ditemu positif dirampit COVID-19 sereta udah nadai kena 30 April pukul 12.55 tengahari," ku iya seraya madahka kes ke-17 nadai sejarah begulai semak enggau kes ti udah disahka dirampit COVID-19.

Uggah ti mega Chairman Komiti Mutarka Penusah Ngenyit Nengeri Sarawak (JPBNS) mantaika pekara nya ba Aum Pengarang Berita COVID-19 Sarawak ti diatur ba Begunan DUN Lama ditu, kemari.

Berebak enggau tu iya madahka, kemari Sarawak ngerikodka bisi lima (5) kes positif COVID-19 baru , lalu semua nya ari Pelilih menua Kuching.

"Lima (5) kes positif baru tu iya nya ditemu siti (1) kes ari kluster Kuching Conference, kluster PUI Itali (1), kluster Sporadik siti (1) kes enggau dua (2) kes agi benung dipansik bagi kluster," ku iya.

Bisi enam (6) kes gerai sereta semua kes nya ti diperubatka ba Sepital Besai Sarawak lalu udah dikemendarka pansut.

Nambahka nya penyampau orang ti dipelabaka (PUI) COVID-19 kemari bisi 53 kes. Penyampau PUI ke agi nganti pemutus makmal bisi 40 kes.

Kemari, bisi 609 iku agi rayat Sarawak pulai ari menua luar, Semenanjung, Sabah enggau Labuan ti direjista sereta dikuarantin ba hotel nyadi Person Under Surveillance (PUS). Bisi 41 iku udah abis timpuh kuarantin dikemendarka pulai ke rumah sida.

Kelimpah ari nya, Uggah muji rayat nengeri tu ke terus nyukung sereta nitihka Atur Nagang Pemindah (PKP) dikena nagang pengelekai COVID-19.

"Sehari tu (kemari), tikas rayat nitihka PKP iya nya sepenyampau 97.2 peratus.

"Kemari (Ensanus) polis nangkap 48 iku laban ti ngelanggar PKP enggau 66 iku udah ditinggang ukum ba kort.

"Kenyau ari PKP dipejalaika berengkah ari 18 Mac nyentuk diatu, bisi 1,923 iku udah ditangkap enggau 1,329 iku udah ditinggang ukum ba kort," ku iya. #UtusanBorneo

KASIH AMAT: RIP 🙏