Siku polis lesi bebadi, kena lantak orang mabuk -->
Cari Berita

Advertisement

Siku polis lesi bebadi, kena lantak orang mabuk

Admin | beritaiban@gmail.com
May 3, 2020

KASIH AMAT: Koperal Safwan Muhammad Ismail

KAJANG: Siku lelaki polis ke benung bejalaika pengawa nyekat jalai alun (roadblock) di Plaza Tol Kajang Selatan, Jalai Alun Besai Kajang-Seremban (LEKAS), semak Kajang, lesi bebadi nyawa pengudah kena lantak sebuah kerita Hilux, tumu pagi kemari.

Eksiden dipechayaka nyadi urung 2 pagi nya, raban polis nya (victim) dikelala ngena nama Koperal Safwan Muhammad Ismail, lelaki, 31 taun, diripotka ngapuska seput kepenudi ba palan eksiden nyadi ketegal balat bakal ba pala enggau tubuh pengudah ke tinggang kerita Hilux nya.

Ketuai Polis Pelilih Kajang, Asisten Komisioner Mohd Zaid Hassan madahka, raban polis bisi nerima ripot bekait eksiden nyadi urung jam 2.11 pagi.

"Sebedau eksiden nyadi, siku lelaki (suspek), orang ke deriba kerita Hilux nya, 44 taun, benung bejalai ngena kerita nya ari Kajang nuju ke Plaza Tol Kajang Selatan.

"Lebuh datai ba endur nyekat jalai alun (roadblock) nya, lelaki ke deriba kerita nya enda ulih nyaga ketegal dipechayaka mai kerita benung agi sebening pala tauka mabuk.

"Pengudah nya, kerita Hilux ke ditepan lelaki nya ngelantak Safwan ke bejalaika pengawa nyekat jalai alun ba dia enggau lalu ngelantak entuka polis ke di paking ba tisi jalai," ku iya lebuh dirandau pengarang berita kemari.

Mohd Zaid madah, ripot bekait eksiden nyadi nya udah digaga pemesai nyekat jalai alun nya, tang lelaki ke deriba kerita Hilux nya agi bedau ngaga ripot polis.

"Keretas tauka dokumen bekait kes nya udah dibuka enggau kes dipansik ari baruh 'Seksyen 41(1) Akta Pengangkutan Jalan 1987'," katanya.

NAKO MIH PENYINU: Apai niang Safwan, Mohamad Ismail Othman mantaika picha niang ngena talipaun binching iya.

Picha ba palan eksiden nyadi enda dipantaika kami laban bebasaka peminta ari apai niang Safwan, Mohamad Ismail Othman.

“Badu agi nyadung tauka viralka picha eksiden ke bekaul enggau niang nya,” ku iya lebuh dirandau pengarang berita sehari tu.

Menteri Besai Malaysia, Tan Sri Muhyiddin Yassin, meri penyinu ati ngagai bala ke sebilik enggau niang nengah Facebook, lemai tu tadi.