Ukai kami deka ngemulaka kita semua, tang...
Cari Berita

Advertisement

Ukai kami deka ngemulaka kita semua, tang...

Admin | beritaiban@gmail.com
May 13, 2020

ILLUSTRASYEN PICHA: Bas benung paking ba penyangkai Bas Express. (Sarawak Bus & Truck Community picha)

Notis Bas Express ti patut beoperasyen kena 12 May 2020, udah dikinsil tauka enda nyadi dipejalaika.

Pengari Sarawak Bus & Truck Community madahka pekara nya nengah Facebook sida iya kemari.

Ku iya, kami ngaku amat bisi mansutka notis pagi ensana (11 May 2020).

Notis ti dipansutka Sarawak Bus & Truck Community

“Kebuah pia laban kami maya nya pechaya bas ulih bejalai tauka beoperasyen berengkah 12 May 2020, tang nyau ngalihka lemai nya, kami bisi nerima penerang ke baru madahka, operasyen bas kena 12 May 2020 agi bedau tau dipejalaika.

“Ukai kami deka ngemulaka kita semua, tang jaku gerah (arahan) udah bisi ubah,” ku iya.

“Nadai ku enggau mih, kami ngarapka kita semua meretika pekara ti dipadahka kami nya enggau kami minta ampun,” ku iya madah enggau nyemetak.

Pengari nya mega madahka, naka kemari 12 Mei 2020, kami pan enda nemu, kemaya bas Express ulih beoprasyen baru.

“Sama-sama mih kitai nganti jaku gerah ari perintah nengeri Sarawak..” ku iya.