Ulih ngabang maya Hari Raya enggau Hari Gawai, tang.. -->
Cari Berita

Advertisement

Ulih ngabang maya Hari Raya enggau Hari Gawai, tang..

Admin | beritaiban@gmail.com
May 10, 2020

Menteri Besai, Tan Sri Muhyiddin Yassin.

Menteri Besai Malaysia, Tan Sri Muhyiddin Yassin madahka, ba dalam timpuh Atur Mindah Besekat Ke Bisi Penetap (PKPB), bisi pengerami besai ti deka diintu mensia mayuh iya nya, Hari Raya Aidilfitri, Hari Kaamatan enggau Hari Gawai.

“Aku deka minta ampun amat-amat, laban deka nyaga pengelikun enggau pengerai semua kita, enti nyema nuan deka mereka entara pelilih ketegal deka berami ngintu hari raya enda dikemendarka,” ku iya.

Ku Muhyiddin, pengerami ngintu Hari Raya Aidilfitri, Hari Kaamatan tauka Hari Gawai endang sigi ulih baka ngabang ngagai orang ke berimbai rumah enggau bala diri sebilik ti diau ba dalam negeri ke sama.

“Maksimum 20 iku orang aja ulih sekali ngabang, tang taja pia ngabang bebala mayuh tauka ngaga ‘open house’ enda dikemendarka.

“Tetiap ruang bilik mega patut nitih Prosedur Operasyen Stindit (SOP) pengerai baka nyaga penyauh diri empu ari pangan diri, bekenaka pemampul idung enggau mulut (MASK), nyaga pemeresi diri enggau suah nuchi jari sepemanjai ngintu hari pengerami nya.