Sebuah rumah panjai di Ulu Baram angus pagi tadi -->
Cari Berita

Advertisement

Sebuah rumah panjai di Ulu Baram angus pagi tadi

Admin | beritaiban@gmail.com
June 8, 2020

KASIH AMAT: Api benung mau ba palan penusah angus ke nyadi. (Media Rama Picha)

Sebuah rumah panjai di Kampung Long Selaan ti ngembuan 12 pintu angus, pagi tu tadi.

Nitihka penerang, rumah panjai nya diuan urung 60 iku orang.

Pengari Operasyen Opis Bomba Sarawak madahka, penusah angus nyadi urung jam  11.07 pagi tu tadi.

Kelimpah ari nya, ba palan penusah angus nya mega udah nganguska sebuah balai raya.

“Tang taja pia, nadai penusah bebadi nyawa tauka bakal diripot naka ke diatu,” ku iya madah ba dalam siti penerang.

Lokasyen Long Selaan

“Kebuah penusah angus enggau penyampau pengerugi pengudah penusah angus nyadi agi benung dipansik.



Ngarapka semua bala ke napi penusah tu ulih besabar enggau arapka bala ari opis perintah, agensi ukai perintah (NGO) enggau tauka orang tubuh kediri (personal), ulih sama bela besaup mantu bala sida ke tasah tu.

Aram mih kitai sama ngelempungka penusah ke ditapi sida iya taja mimit pan pemeri tauka bantu ti disuakka kitai tang besai amat reti ba sida iya. Tuhan merekat semua 🙏