Sapa Kami?
Cari Berita

Advertisement

Berita Iban Online | Laman Web Berita Kitai: Sapa Kami?

Sapa Kami?

LALU WAI: Pendiau portal www.beritaiban.com enti dipeda ba talipaun binching, desktop enggau tablet.

Berita Iban Online tauka "www.BeritaIban.com” salah siti portal berita ti enda bechiping maya ngereja pengawa. Kelimpah ari nya, kami mega salah siti ari raban media online ti keterubah ia mantaika berita tauka artikel 100 peratus ngena jaku Iban. 

Logo BeritaIban.com
Berita Iban Online digaga tauka ditengkebang ngambika ulih nyadi palan tauka platform endur kitai begigaka berita ti benung viral, bekunsika penemu, jaku pesan, pesan berat, pesan pemati, pesan ngetas ulit, kes ke baru nyadi, penusah karam ba darat 'angus', akademik, jenayah, penusah ngenyit, eksiden, dagang, pasal pengerai, pengelikun, sebana rayat, media rama, sukan, video, gambar, berita tauka info dalam enggau luar negara.

Berita Iban Online mega, dikena narak semua bansa kitai ngembuan pengelandik bekomunikasyen ngena jaku iban stindit dalam mayuh bengkah konteks berseriran enggau tikas pemansang lalu ulih neruska waris daya idup bansa iban sereta ngembuan semengat patriotisme ke bepelasar ba ukur pemanah dikena ngangkatka pengangkun ngagai jaku, menua enggau bansa kitai.


Visyen
Deka nyadi palan tauka platform online lumor satu media endur semua bansa kitai begigaka berita tebaru, bekunsika penemu, isu ke ditapi bansa enggau menua kitai. 

Kelimpah ari nya, kami mega ngiarka berita tauka cherita ti engkeman, entap ngambika ulih besemekih enggau komuniti bansa bukai. 

Misyen
Ngiarka artikel tauka isi berita ti ngembuan kualiti ti tinggi, entap sereta engkeman nitihka peminta ari bala pemacha.

Objeksyen
Ngemeranka isi berita tauka penerang ti betul, entap sereta engkeman.
Ngemeranka pengerindu macha, landik berperagam sereta nemu napis isi ke beguna.
Ngemeranka pengelandik bungai jaku lalu neruska waris daya idup dikena ngenegapka kaul antara raban bansa.
Ngemeranka ukur pemanah sereta ngena jaku iban stindit lebuh berandau enggau betulis.
Ngatur semua pengawa nikihka adat tauka ukum ti udah diatur bala Raban Berita Iban.
Semampai regas lalu nyediaka diri nitihka pemansang menua enggau dunya.

Nya alai, Berita Iban Online tu digaga ngambika dikena kitai ngangkatka pengelandik berunding tikas tinggi ngambika semua bansa kitai ulih nyatup arus globalisasyen ngengkaum segang pemansang ekonomi, teknologi pemadah enggau komunikasyen.


Terima kasih ngagai semua pemacha laban udah ngukung pengawa ti udah digaga raban kami ngelamatu. Tuhan merekat semua..