Tanya enggau Saut - Berita Iban Online

Header Ads

  • Baru Nyadi

    Tanya enggau Saut

    Nama kebuah tauka tuju Berita Iban Online digaga?.

    Berita Iban Online tauka www.beritaiban.com salah siti portal berita ti enda bechiping maya ngereja pengawa. Kelimpah ari nya, kami mega salah siti ari raban media online ti keterubah mansutka berita 100 peratus dalam jaku iban. Taja pan kami enda entu nyengala popular tauka bedau dikelala bala mayuh, tang kami udah ngelakuka dagang, video, gambar, isu baru nyadi, penerang tauka berita dalam enggau luar negara.

    Deka nemu 'Visyen' enggau 'Misyen' kami?. Nuan ulih macha enggau silik agi ba Sapa Kami tauka enyak nuan ba (DITU).

    Nama Berita Iban Online tu bisi ngaga Majalah/Bup/surat kabar kediri empu?.

    Naka ke diatu, kami semina mansutka berita tauka artikel ngena internet tauka portal tu enggau media rama kami kebukai. Ila kami madah baru, enti nyema kami deka begagaka Majalah/Bup/Surat kabar kediri empu.


    Sapa ke ngempu tauka ketuai Portal Berita Iban Online?.

    Ketuai ke ngempu Portal Berita Iban Online tu ianya 100 peratus anak Iban original, penatai ari Sarawak. Siku anak mensia ti rinduka pemansang lalu bejuluk ati deka mai semua bala kitai sama bela nyingkang sereta mansang ke mua. Ngambi ka bansa kitai enda tinggal ari komuniti bansa bukai.

    Aku bisi tepedaka portal nyau ka sebaka enggau Portal Berita Iban Online. Nama bida kita enggau portal bukai?.

    Berita Iban Online tauka www.beritaiban.com salah siti ari raban ti keterubah ngaga tauka mantaika berita ngena jaku kitai 100 peratus. Nuan tau ngelaie chara kami ngarang berita ke diiyarka raban kami. Kelimpah ari nya, nuan tau ngelala kami ari logo kami empu.

    Dini Portal Berita Iban Online bulih isi berita tauka penerang?.

    Kami bulih isi berita tauka penerang ke diberi bala pemacha ngagai kami ngena email: beritaiban@gmail.com tauka ari media rama kami. Kelimpah ari nya, kami mega bisi ngambi isi berita ari media rama tauka portal berita kebukai.

    Nama kebuah berita ke dipansutka Berita Iban Online bisi bechampur enggau leka jaku bansa bukai?.

    Raban Berita Iban Online endang sigi ngena jaku melayu enggau orang putih laban bisi sekeda ari jaku kitai iban, bisi ngena jaku injau ari leka jaku bansa bukai.

    Tang taja pia, raban kami nguji enggau naka ulih ngarang berita ngena jaku kitai empu.

    Enti nyema kami bisi salah tulis tauka leka jaku ba artikel ke dipansutka raban kami. Kami minta ampun dulu laban kami pan mensia. Kami mega enda lari ari ngereja penyalah.

    Tang taja pia, anang mih kita malu madahka kami ba ruang komen ke bisi deka sediaka kami bawa baruh artikel nya. Ngambika raban kami ulih ngemetulka utai ti salah nya enggau naka pengelengkas.

    Portal Berita Iban bisi app ulih kena ba talipaun binching?.

    Raban Berita Iban Online agi benung begigaka perengka guna tauka belanja kena ngaga app Laman Web Berita Kitai. Seraya ke nganti app nya tembu, nuan ulih ngelawa tauka tama ngagai www.beritaiban.com internet browser ba talipaun binching nuan.


    Bakani chara deka minta raban kita ngemansutka Berita Bebatang tauka Jaku Pesan Berat tauka Pemati?.

    Senang aja.. Nuan semina meri kami penerang silik pasal orang ke udah nadai nya (niang) nitihka rintai tanya ba baruh tu:

    1. Tulis nama orang ke ngirum jaku pesan tu?.
    2. Nama penuh sereta nama kangau niang?.
    3. Penatai ari ni?.
    4. Kemaya niang udah nadai?.
    5. Nama kebuah iya tau nadai?.
    6. Ba dini endur iya nadai?.
    7. Nama orang tauka rumah ke dituju ke pesan?.
    8. Kemaya orang deka nyengaie tauka ngintu niang bebala mayuh?.
    9. Kemaya orang deka nguburka niang?.
    10. Enti nyema, bisi gambar niang maya iya agi idup pan tau dikirumka sekali. Ngambika orang mayuh ngelala niang enggau silik agi.

    Sepengudah nya, anjung tauka mesej 'PM' kami ba Facebook Pages: Berita Iban Online tauka whatsapp ngagai kami ngena lumor 0169989688. Nya aja..

    Pesan Pemati tauka Pesan Berat ke udah dipansutka raban kami ulih dibacha nuan ba ditu:
    Chunto (1) : Diiyarka kami ba Facebook (link)
    Chunto (2) : Diiyarka kami ba BeritaIban.com (link)


    Bakani chara deka ngiarka berita ba laman web BeritaIban.com?.

    Raban Berita Iban Online endang sigi ulih nulung ngiar tauka ngemansutka semua berita tauka cherita ti deka dikunsika nuan enggau mensia mayuh tang nuan meseti bisi ngembuan bukti, saksi enggau 'penerang ti silik' nemban sereta engkeman. Chara enggau penerang ti silik ulih dibacha nuan ba ditu: https://goo.gl/Kn4A2p

    Sekeda ari serebana ke udah dikarang enggau diiyarka raban kami:

    Chunto (1) : Pemerinsa tauka penusah ke ditapi Baby Ajalena enggau ini iya, ulih dibacha nuan ba Facebook Pages kami (link) tauka ulih dibacha nuan ba 'Laman Web Berita Kitai' (link).

    Jaku Tangkan: Berita/penerang ti enda nyemetak/silik tauka ulih mai penyarut ngagai bala mayuh sigi enda di terima bala kami.


    Bakani chara, enti nyema aku deka nyadi pengarang ba Portal Berita Iban?.

    Terima kasih laban deka nuan udah bisi ati beserakup enggau nyadi siku ari raban Berita Iban Online. Nuan tau nganjung resume nuan ngagai email: beritaiban@gmail.com. Bala Pemesai ari Berita Iban Online deka nyaut nuan ngena email enggau madahka nama utai ti patut digaga nuan pengudah nya.

    Bakani chara ti nyema aku deka minta tulung bala Pengarang Berita Iban ngelakuka dagang tauka pengerami?.

    Anang irau nuan.. Raban Berita Iban Online endang ulih nulung kita tang meseti nitihka Stindit Opis Procedure (SOP) raban kami. Nuan meseti nganjung penerang ti silik pasal dagang tauka pengerami nuan ngagai email: beritaiban@gmail.com tauka ngisi pom ba Kuntik Kami. Bala raban ari opis pengarang Berita Iban Online deka nyaut nuan ngena email enggau madahka nama utai ti patut digaga nuan pengudah nya.


    Nama kebuah email tauka komen aku enda di balas bala admin Berita Iban Online?.

    Raban Berita Iban Online sigi enda ibuhka email, komen, penerang tauka berita ti enda silik, ulih mai penyarut tauka ngasuh orang mayuh belaya. Nya alai, berunding mih manah sereta panjai dulu sebedau nuan meri komen tauka penemu ba portal Berita Iban Online tauka media rama kami.

    Bisi ngaga video tauka Media Rama kebukai?.

    Bisi, nuan tau 'add', 'likes', 'subcribe' tauka nyadi kaban kami ba nitihka lis baruh tu:
    Portal Berita Iban: www.BeritaIban.com

    Agi bisi utai deka ditanya?.

    Nuan ulih ngisi Kuntik Pom Berita Iban Online kami lalu nganjung nama utai deka di tanya nuan ngagai kami BA DITU tauka tulis nama utai ti deka ditanya nuan ba pom baruh tu:

    Kuntik Pom Raban BeritaIban.com

    Nama Nuan*:
    E-mail address Nuan*:
    Berita tauka Isu ti deka dikunsi nuan *:

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads